金手指=將白銀變黃金的手指

我去年中係有線 money cafe 睇到金手指-孫柏文先生的演出, 我覺得孫先生好有見地, 好有幽默感. 可能大家年紀差唔多, 聽到佢既意見好有共鳴. 我每日起身第一件事就係用手機開蘋果日報金手指專欄睇下有無驚喜. 佢同一般投資專家或股票分析員好唔同, 佢唔會成日叫人買唔同股票. 例如佢叫人買白銀睇十幾年, 雖然好似耐左, 不過有一定理由支持, 所以這個投資建議要睇番果位投資人的個人 Liquidity preference.

Master Shuen去年１０月建議讀者買入135 CNPC（ＨＫ）睇１２個月，　這個投資建議正合我心意．　所以當時１３５升到７蚊，　我自己有錢賺又睇大市就快大跌都唔沽貨, 用ｅｍａｉｌ請教 master shuen意見. (現在要打去蘋果互動-貼股教路) 雖然現在要用自創“聖鬥士星矢打不死終極捱價秘笈”運功療傷. 錯就錯在我自己當時估唔到一隻股票係咁短時間跌5成. 無錯! 跌5成正好殺灑果d靠借錢買股票既福佳. 而我都係福佳之一. 有日跌市, 有個c9問清姐點好, 清姐一句: 睇你重唔重貨, 等唔等錢洗.

我最討厭就係果d一兩日叫人買賣股票果d “分析員”. 假設你有一百萬去投資, 每次交易費0.5%, 一星做一次, 一個月做4次, 信我, 有d 所謂“分析員”想客隔日做買賣. (0.5 x 4 x 12 = 24萬!!!!)　即係一年要賺24%以上先叫賺. 唔掛得之咁多老散輸到pk! 如果有人可以年年複式賺24%, 佢一定被稱為股神.

成日叫人買輪 “投資” d 輪商係好pk! 但係現在好多財經節目都搵d輪商介紹 c9 短炒. 如果買隻輪睇3個月至1年, 都仲話你有做功課分析隻股票, 股票都雖要時間去反映價值. 但係如果叫d c9 炒即日或幾日, 跟本同去澳門無分別, 應該話仲危險過去澳門, 因為去澳門, 最白痴既c9 都知自己賭近錢, 但係真係有c9諗住自己買輪真係投資. 買輪唔同股票無雙賺, 發行商賺你輸, 你賺發行商輸. 跟本係對賭.

同普通分析員相比, 孫先生投資意見好明顯勝出. 投資理念都好正確. 今日其實本來想詳細寫下我去年10月係facebook清姐fans club 遇到 “高人” - 金手指 孫柏文先生的經過. 但係原來近幾日, 股票已經係我生命中由最重要變左做唔知第幾重要. 因為我老婆幫我生左個好可愛既bb, 從來都無諗過一個bb會咁靚,. 有個高人曾經講過, 如果有人話自己將來唔會買股票, 即係有個小朋友話我大個左都唔鍾意同女仔玩. 實情係大部份人都會買股票. 最後, 我想多謝孫先生比我既投資意見. 我決定暫時隱匿, 全心全意照顧bb. 無輪怏將出現的係大升市定大跌市, 我都唔再理.

標題: 股票必勝法 [打印本頁]
________________________________________
作者: 730 時間: 2007-10-15 02:28 標題: 股票必勝法

股票必勝法
葉天於第三十八集中傳授「股票必勝法」與方展博。「股票必勝法」是一首半通不通的詩。

於劇集的最後一集，陳滔滔以電腦分析「股票必勝法」後得知其意。


[编辑] 「股票必勝法」原文
股票必勝法
　
貪心輸錢贏 輸血不輸錢
人人去輸血 殺人不打風
落雨去離島 離家飲煉奶
見人分遺產 出獄嫌錢腥
快樂冇人格 出家冇人工
攻無不克　 戰無不勝

股市原意，乃讓集資搜資有其地，社會向榮，人皆有賺。惜人性貪婪，耗盡心思，巧取豪奪，樂土成煉獄，血雨腥風，殺戳不息，無數人蕩產傾家輸性命，勝者則喪良知人格。余於股壇數十載，未嘗見一真正鸁者，智者應知此乃一處永無贏家之戰。取勝唯一法︰「及早離去」四字而矣。(股神葉天臨死教方展博，股票必勝法)

魔法奇緣

今日同老婆去數碼港睇魔法奇緣, 幾有娛樂性, 可以一家大細去睇. 不過套戲裹面有句對白令我有小小迷茫, 我終於明白我個仔點解係我老婆個肚入面到左預產期都未想出來這個世界. 當果個惡毒皇后推個女主角落去個井到, 原來穿過個井就會由童話世界去到我地這個現實世界, 佢話女主角從此唔會再開心. 好似係真. 究竟點樣先可以係現實搵到真正的快樂. 作為一個商人和投資人, 最開心最理想應該係05年用盡總資產加od 額5蚊買入中國人壽(2628), 然後07年50蚊沽清. 跟住休息同為下一個升市做準備. 我當然無咁樣做到, 我現在仍然每日都運功療傷, 用我自創既 “聖鬥士星矢打不死終極捱價秘笈” 療傷. 我諗就算真係07年沽清股票, 今日都未必會好快樂. 之前我係令外一個blog引用過 “無間道” 開場白:
•
地藏菩薩本願經上
網誌分類：未分類 |
網誌日期：2007-10-13 01:24
如是等輩, 當墜無間地獄, 千萬億劫, 以此連綿, 求出無期.
回應(0) | 引用(0)

唔通商場同股市真係無間地獄?







係魔法奇緣套戲入面, 雖然各主角經過好多困難, 最後都happy ending!

Jedi 's Investment Strategy!

1977 年George Lucas 拍左一套 Star Wars 星球大戰, 直到2007年一共拍左電影六集(I 至 VI 集), SW可以算係人類電影歷史上最收得同最有影響力既系列之一. 係套戲入面有一班 Jedi Knights (絕地武士), 佢地幾千年來都係保護銀河系和平既戰士. 不過唔係所有 Jedi 都一樣咁好打, 有部份專科劍法, 有d專科 “living force”, 有d專科外交, 有d社會地位既 Jedi 喜歡搞政治. 現今美國有好多人把Jedi Order當作現實生活中一個宗教組織. 有好多人都覺得自己係 Jedi. 經過本人多年研究所得, Jedi Order 的教義機本上係一套提高心靈力量既心法. 而我已經一半成功將這套Jedi教義發展成投資心法. 點解我話只係心法? 因為想投資成功仍然要有好高強既外家功夫, 例如 technical analysis 和 fundamental analysis. 不過 這些外家功夫從學校或報紙都可學到. 點解咁多人學左咁多功夫 (Economics & Finance) 都輸到PK? 因為佢地無心法配合. 而Jedi 投資秘笈就可以大大提高投資人的心靈力量而將所有Econ. & Finance Theories 力量提至極限!

Jedi心法搏大精深. 其中最有啟發性就係 Master Yoda 的語錄.

1) "You will know (the good from the bad) when you are calm, at peace. Passive." A Jedi uses the Force for knowledge and defense, never for attack. " (Epissode V) - 即係話你一定要平靜, 保本至上, 唔好激動, 先可以分別邊隻股票係會升, 邊隻係流.
2) "Fear is the path to the Dark Side. Fear leads to anger, anger leads to hate; hate leads to suffering.”(Episode I) – 恐懼會令你 “福佳”, 恐懼引發唔順氣, 唔順氣引至發火, 發火跟住心傷.
3) "Around the survivors a perimeter create." (Episode II) – 未輸灑果d一定要保護. 唔好再輸. 要 cut loss.
4) "Death is a natural part of life. Rejoice for those around you who transform into the Force. Mourn them do not. Miss them do not. Attachment leads to jealousy. The shadow of greed that is.” (Episode III) – 人生至古誰無死; 人地發達唔洗羡慕人, 人地輸死左又唔洗笑. 妒忌係貪婪的種子.
5) "The fear of loss is a path to the Dark Side."(Episode III) –越怕輸越輸.
6) "Do or do not; there is no try." (Episode IV) – 睇準先出手, 唔好亂試.
7) "Reckless he is. Matters are worse." (Episode V) - 魯莽行動, 後果嚴重.
8) “The dark side clouds everything. Impossible to see the future is.” (Episode II) - 輸到頭暈眼花, 前路看不清.
9) “Blind we are, if creation of this clone army we could not see.” (Episode V) – 人地搭灑棚, 做好準備, 自己仲on99.
10) “Only the Dark Lord of the Sith knows of our weakness. If informed the senate is, multiply our adversaries will.” (Episode V) – 有好股自己知, 唔好比咁多人知, 唔好比c9知, 如果週街唱, 實無得升.

Master Yoda 語錄同投資心法有關仲起馬有40個. 今日講住咁多先. 如果我講左咁耐你都唔知我up咩而又睇到尾, 你就好運將到, 因為個市今日升左908.5點, 我都輸幾十個%! 我諗好多人同我一樣, 一樣好需要學習聖鬥士星矢終極捱價秘笈, 絕不外傳.

The Phantom Menace!!!!!

Andre Kostolany 係佢果本"一個投機者的告白" 講過一個成功投機人一生人中最少會破兩次產. 當年科綱股股災, 我將輸剩既二十幾%全部買灑8號仔, 諗住長揸再月供, 慢慢靜養生息, 假以時日, 一定可以賺番. 結果唔洗多講. 好明顯當時我應該算係第一次破產, 好采我係初出茅廬, 無咩資產, 唔洗養家, 比較容易重生. 我馬上搵左一份補習part time, 再將我係老豆海味鋪果份人工全部放入saving唔用. 不出2年又有小小彈藥重投股壇. 04年1月中石油(857)迫近5蚊令我留意石油能源股, 我認為我地個經濟體系已經進入石油主宰的最後時代. 第一時間賣灑所有科技股係4蚊左右開始收集857. 唔知過左幾耐突然有一日銀行有個financial planner比左一個對我日後有好大影響既提意 , 佢將我所有存放係佢銀行既股票提供50% OD 額. 即係話如果我存100蚊股票, 佢就比多50蚊我用, 而果50蚊我要還P+1%. 由於當時857有5%年息. 我只係用100收番來的利息就可以還50蚊OD利息, 仲有賺. 我當然樂意接受. 而且用OD買番來果50蚊, 我再有25蚊OD額用. 而用25元OD額買貨, 我OD額再加12.5元. 而隨住857股價上升, 我OD額亦不斷增加. 我有生以來可以動用最多資金既時候, 但係我好清楚知道一定要非常十分小心, 因為係用近一D唔係自己既錢. 而借貸亦係Andre Kostolany 一樣非常反對的行動. 所以當時我決定只用od額買857 同 HSBC (5), 而放棄2628 中國人壽. 後來這個決定令我好後悔. 跟後兩三年我只係留意857同 5號仔既10, 25, 50天 moving average, 一見佢好似想升就用盡od額追入, 再將資產的10%買入相關warrants, 希望進取買賣這兩隻我認為最安全的股票而達到最大利潤. 後來唔知幾耐之後, 好似大約06年, 我決定放棄HSBC, 只買賣857, 而857已經係一只超過10蚊既股票. 單係一年淨利息(唔計用od額買)收入都超過自己三年半人工.

點解我而加08年1月突然又面臨經濟困境搞到諗起Andre Kostolany 講過一個成功投機人一生人中最少會破兩次產. 你地可能會以為自己估到, 不過都唔係...有番兩個人覆再寫.